(1904) Bon tiempu en Xixón

link

Ya da cuando se 'scondía, -dalguna vez escuclaba- tuvo'l sol faciendo burla - como quien dizla mio cara - quereis ver? ¡ay probitinos! teneis que limpiar la baba ya sabeis que el mi focicu -dias miyores aguarda- No hebo frio; en tou'l dia denguna ñarra 'smoquiaba- y el viento per dormilón -quedó tranquilín en casa; - el dia tuvo tan bonu, - que miyor non se 'speraba.- Por la Guía, por Somió, - e Natahoyo y Calzada: -la xente per galvanera- ya gozosa se 'esparrama - y cada cual á so modu, - so divertimentu afaya - que'l probe que trabayando - está cabu la simana - que 'estraño ye que'l domingo - prúyai por tirar la pata - ¡Si hebo jumes! ¿no hábia ver? - el garguelu non descansa - que'l secañosu ha topar - en onde llenar la panza.- Vi yo unu que faciendo - culebrines, semeyaba -à un llagartu, cuando 'n rausei llant' una palicada, -home qué más; ayer tardi: -en camín de Ciares, plasma.- lo que allí había: un montón - de rapazos á la llarga - tumbaos n'una vara hierba - ya daben fin á una paxa - currumpiná de botelles - de sidra, ¡que algarada! - cántigos y risotáes! - solo faltaba la gaita - pa ser una romería. - Habia ún qu'ansi falaba - cola botella na mano - ¿hay descansu? - dexai que lu haiga - si quieren cierrar que cierren - qu'amin sidra non me falta. - Conque ansí tomai bebei - qu'esto non lo sabe Maura. -Ansi tuvo el día ayer - de lo demás que me falta - por cuntaros, mis abaxo - toparéis la rellatada - pos mialma qüe la mió pluma - cansé bien de ximielgala.